Vina mag-atubang og patong-patong nga kaso

GIPASAKAAN na og lain laing reklamo sa modelo nga si Avi Siwa ang singer-actress nga si Vina Morales.

Ang mga gipasaka nga reklamo ni Avi batok kang Vina mao ang libelo, slander by deed, grave threats, ug pag paglabag sa Republic Act 7610 o Violation Against Women and Children.

Kini tungod sa pagpanghanggat og away ni Vina kang Avi niadtong December 4, 2016, sa usa ka bar sa Bonifacio Global City, Taguig.

Gisang-at ni Avi ang mga reklamo batok kang Vina sa Prosecutor's Office sa Taguig City.

Si Avi ang usa sa modelo ug host sa defunct GMA-7 lifestyle program nga Out.

Basi sa affidavit daw nadungog ni Avi ang si Vina nga nagsulti og “Haha, ayan si Avi Siwa o buntis na naman nakakahiya at sinong ama? Haha,”

Miduol sab daw si Vina kaniya ug hapit siya gisuntok.

“Ano ha, tapang-tapang mong buntis ka! Pakita mo tapang mo ngayon!” dugang pa ni Vina.

Dugang pa daw sa singer-actress, “Bastardo anak mo! At least si Ceana ni-recognize ni Cedric at malaki suporta… E, sa’yo, 28K lang haha. Kawawa ka! Hindi kasi kayo mahal ni Marc… wala siyang pake sa inyo! Tapos sinundan mo pa ulit,”

Buntis ngayon si Avi sa ikaduha nga anak. Si Ceana sab ang anak ni Vina sa kanhi karelasyon nga si Cedric Lee.

Si Marc Lambert ang kanhi kapuyo ug amahan sa kinamagulangan nga anak ni Avi ug si Vina karon ang girlfriend ni Marc. (SVB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph