DEAR Tita Heart,

Ako diay si Mary nga taga Casinglot, lungsod sa Tagoloan. Naa koy ka-chat nga lalaki ug nanguyab sa akoa. Ako siyang gisugot kay boutan siya alang nako. Gugmahan sab ko niya.

Akong nahibal-an nga pusher man diay siya og bayot pa gyod. Unsa man akong buhaton nga love gyod nako siya bisan bayot siya?

Mary

***

Hello Mary,

Maayong adlaw kanimo. Siguro akong matambag ayaw nalang ipadayon imong pakigrelasyon kaniya. Mahitabo man gud walay paingnan ang inyong relasyon kay ikaw ra ang niingon nga gibinuangan raka niya. May unta og nagpakita siya og kausaban pero wala man diba? Abi nimo daghan pa kayo ka og makita nga labaw pa kaniya. Huna-hunaa ang imong future.

Dili pa gyod mayo nga impluwensya kay pusher. Siguro tambagi siya nga mabag-o ug kung imong nakita nga nausab basin diay dunay paglaom inyong lovestory. Ayaw lang og padali-dali.

P.S Mahimo ninyo mabasa ang tubag pinaagi sa website sa SunStar SuperBalita ug Facebook fanpage nga SuperBalita Cagayan de Oro. Hit like pips!

Tita Heart