GINAMIT nga sanitary napkin nga nitugpa sa nawong sa usa ka dalaga human gisagpa sa iyang agalon nga nagselos kaniya niadtong Domingo alas 8:25 sa gabii sa Indahag Hills, dakbayan sa Cagayan de Oro.

Nidangop sa kapolisan si Lina (dili tinuod nga ngalan), 26, dalaga, taga Camp Evangelista, Patag ning dakbayan, ug gireklamo ang iyang agalon nga si Laiza.

Si Lina nagtrabaho sa tailoring nga gipanag-iyahan sa suspetsado.

Sa nahipos nga impormasyon gikan sa Police Station 2 Cogon, nasayran nga suko kaayong ni-abot ang asawa sa tailoring.

Kalita niining gisagpa ang dalaga og sanitary napkin, gikuhaan og video ug gibira-bira pa ang buhok.

Giingong daan na nga nagselos ang agalon sa dalaga tungod sa alegasyon niini nga duna kini relasyon sa iyang bana.

Apan ang alegasyon hugot nga gihimakak sa dalaga.

Sa pagsulat niini nga balita ang insidente, nakatala na sa buhatan sa kapolisan samtang ang biktima gitambagan nga magpatambal.