Mikampyeon ang San Pedro College (SPC) sa unang Ateneo de Davao University (Addu) inter-collegiate chess tournament didto sa AdDU Miguel Pro Study Center, Jacinto Campus.
Sila Gino Angelo Asuncion, Tahseen Saludsong, James Rhey Bantugan ug Khy Nad pambato sa SPC nga nagtinabangay aron makatigom og kinatibuk-an 17 puntos sa five-round Swiss System format chessfest nga gi-organisa sa Addu coaches sila Ariel Aton, Alexander Clavite ug James Bulicatin.
Samtang sila Asuncion ug Saludsong miiksor og perpektong tag-lima ka puntos dayon gisundan nila Bantugan ug Nad mihimo og upat ug tulo puntos sa maong han-ay.
Nadawat nila ang premyong P3,000 batok sa Cor Jesu College (16.0) ug Addu-SHS Team A (13.0).
Nabulsa sa CJC ang P2,000 samtang Addu-SHS Team A gihatagan og P1,000.
Ang laing teams miapil mao ang Holy Cross College of Davao (9.0), Addu-College (4.0) ug Addu-SHS Team B (0.0). (ABM)