SECTIONS
Friday, September 20, 2019

#tell_it_to_sunstar: On yesterday’s transport strike

Fact check:

1. Dili tanang 15 years old nga jeeps nga nagdagan sa kadalanan kay gubaon ug delikado. Gani, kasagaran sa mga jeep nga atong sakyan kay mas tiguwang pa siguro nimo.

2. Ang pagtangtang sa jeep sa kadalanan dili lang moresulta sa pagkawala sa panginabuhian sa mga yanong drivers ug operators, naa poy mga gagmay’ng negosyo ang maapektuhan (sama sa vulcanizing, karinderya, ugbp.)

3. Dos porsyento lang ang jeep sa kadalanan. Bisan pa man nga kung ilisan kini og Euro 4 compliant e-Jeeps aron maka-contribute daw sa pag-save sa kinaiyahan, daghan pang private cars ug ubang sakyanan ang dili Euro 4 compliant ug mubuga gihapon og lagom nga aso sa tambutso. Busa dili signipikante ang pag-save sa kinaiyahan sa pag-phase-out sa atong jeeps.

4. Kung ganahan mo ilisan ang atong mga jeeps og e-Jeep, pag-expect mo nga mas taas pa inyong pletehan, sama sa MyBus o Ceres nga rates.

5. Dili ta supak sa modernisasyon, apan atong panawagan nga dili angay himoong negosyo sa mga dagkong monopolyong kompaniya ang usa ka katungod sama sa atong katungod sa limpyo, paspas ug barato nga transportasyon.--Angel Trocio

•••

Dili ko apektado sa paghunong sa pagpamasahero sa mga driver sa PUJ ug PUB nga gihimo sa miaging Lunes tungod sa ilang pagpakita sa pagsupak pagwagtang sa karaang sakyanan nga nag pangedaron og kinse anyos ug ilisan sa modernong sakyanan sa kadalanan sama sa e-jeep ug Euro 4 jeepney.

Pero supak ko sa ilang gihimo kay maorag gisungag nila ang nindot nga panglantaw nga kalamboan sa atong naglingkod nga opisyal sa DOTr (Department of Transportation) sa gipagawas nga DO (Department Order) lakip ang LTFRB mosunod sa kamanduan sa ilang labaw nga buhatan.

Daghang driver nangangkon nga nabalaka sila kon mawagtang ang gimaneho nga jeep apan sa tinuod dili man malakip og kawagtang ang ilang kahibalo sa pagmaneho kay pwede pa man sila nga mag-drive sa pribadong sakyanan, o mangamo sa pribadong kompaniya. Ang angay kabalak-an ang kaugmaon sa ilang mga anak ug sa sunod nga laing henerasyon kon naguba na ang kalikopan.

Unsa kaha no? Pwede nato hinumduman ang mga jeepney nga wala mosalmot sa transport strike kay mao na ni ang atong i-patronize. Di na sad ta mosakay sa mga nag niapil sa Tigil Pasada sa mga mosunod adlaw.

Maayo seguro nga awhagon ta ang atong kaigsoonan nga magbisiklita. Dili ta maka-traffic unya save mother earth pa kita. Makadaginot pa.--Alan Tangcawan

•••

Dili supak ang mga drayber sa modernisasyon apan kinahanglan nga ipatuman ang usa ka moderno nga pangmasang sistema sa transportasyon nga padaganon ug pundohan sa gobyerno aron maseguro ang mas barato, kun dili man libre nga pampublikong transportasyon.

Ang serbisyong transportasyon dili angayang ibutang sa mga kamot sa pribadong negosyo.--Piston Sugbu
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph