Dear Papa Joe,

Tawga ra ko sa pangan nga Kiwi. Naa koy crush, si Kaje. Maayo siya sa sports, tall, dark and handsome. Dili mapugngan nga magkagusto kaniya ang bisan kinsa nga babaye. Since sa una pa kaayo ning admiration nako niya, unya 2017 na lang, crush gihapon nako siya. Ambot kon friends ba mi kay maorag molihay siya kon makakita nako. Kabalo man gud siya nga crush nako siya. Unya classmate sila sa akong kuya. Masige siya og ari sa amoa mao nga na-crush ko niya sukad pa sa unang pagkakita nako niya. Naglibog ko kon wala ba siyay feeling nako, o maorag naa. Sa akong pagtuo naa.

Tawga lang kog asumera pero maka-feel man gud ko. Motan-aw siya nako kon dili ko motan-aw niya. Mo-smile siya usahay sa una kon magkasugat mi.

Wa na kaayo ko kakita niya karon ug ambot asa na siya. Gusto lang ko moingon niya nga I still like him after all these years.

Kiwi

Kiwi,

Basin mao nay rason nga nilikay siya nimo. Kon ibutang nato nga nakagusto siya nimo, di gihapon mo molambo kay mawala ra siya. Basin daan na siya nakahibawo nga malayo ra siya nimo ug para siguro di siya masakitan ug labaw na ikaw usab di masakitan, mao nga wa na lang siya magpakita og motibo.

Pero kon ibutang nato nga wa siyay gusto nimo, basin nag assume ra tuod ka. Basin sa iyang pagtan-aw nimo iyang gi-evaluate kon makagusto ba siya nimo. Maong motan aw siya nimo kay bisan walay gusto ang lalake, apan nasayod siya nga nakagusto ang usa ka babaye niya, motan aw sad gyud ni para ma­kita sad niya ang iyang pwede magustuhan sa babaye.

Or basin inigsuon lang iyang tan-aw nimo since barakada sila sa imong manoy. But who knows, basin kamo gyud puhon. Huwat huwat lang sa panahon. O ba kaha tan-awa sa FB ug pangumustaha kon hain na siya. Basta kon kamo alang sa usag usa, kamo gyud.

PAPA JOE

(sa inyong tampo ipadala lang sa papajoesuperb@gmail.com)