LAKIP ang Sugbo sa mga siyudad nga pahigayunan sa Philippine Basketball Association (PBA) 2017 All-Star Weekend nga ipahigayon karong Abril.
Mosugod ang gikaintapang kalihukan karong Abril 26 sa Cagayan de Oro City diin ang piniling mga magduduwa nga natawo sa Mindanao makigbatok sa Gilas Pilipinas national team.
Ang mga magduduwa sa Gilas nga natawo sa Mindanao sama ni Mac Belo moduwa kauban ang PBA squad.
Karong Abril 28, motapon ang kalihukan sa Lucena City diin makigsangka ang piniling mga magduduwa sa PBA nga natawo sa Luzon sa Gilas Pilipinas. Ang sakop sa Gilas nga natawo sa Luzon sama ni Japeth Aguilar sa kampo sab sa PBA moduwa.
Ang kalihukan mosangko sa Sugbo diin turno na sab sa mga magduduwa sa PBA nga natawo sa Visayas ang makigbatok sa Gilas Pilipinas.
Ang Sugbuanong three-time PBA MVP JuneMar Fajardo sa San Miguel Beermen, kinsa sakop sa Gilas, sa kampo sab sa PBA moduwa.