MIINSISTER si Top Rank boss Bob Arum nga dili pa opisyal ang away nila ni Filipino boxing icon Manny Pacquiao ug British star Amir Khan.

Dili pa lang dugay, parehong mianunsyo sila si Pacquiao ug Khan sa ilang tagsatag­sa ka Twitter account nga nagkasinabot na silang duha.

Apan si Arum, kinsa maoy promoter ni Pacquiao, adunay katahap nga madayon kini.

Alang kang Arum, mas klaro ang iyang pagpakignegusasyon sa kampo ni Australian Jeff Horn.

Ang adviser ni Pacquiao nga si Michael Koncz maoy nakignegusasyon sa kampo ni Khan.

Nagkanayon si Arum nga makigkita siya ugma kang Koncz aron maklaro ang tanan.

“We’re all collegial, we’re all on the same team and we’ll discuss what is the best move for Manny,” batbat ni Arum sa interbyu sa www.boxingscene.com.

Nagtuo si Arum nga ang $38 million nga tanyag sa mga negusyante sa United Arab Emi­rates alang sa Pacquiao-Khan fight wala’y klaro.

Taodtaod na sab gipadayag ni Arum ang iyang katahap ka­bahin sa negusasyon sa Pacquiao-Khan.