Mga konsehal sa Talisay nag Binisaya sa session

SA labing unang higayon gi­himo sa dakbayan sa Tali­say ang ilang session nga lun­lon binisiya ang gigamit.

Samtang gipahigayon usab sa unang higayon ang bangga sa pakatawa ug bangga sa kanta.

Kini maoy magsilbing culminating activity sa paghuman na sa arts and culture month sa Pebrero.

Si Konsehal Julian Daan, kinsa maoy chairman sa arts and culture sa Konseho, niingon nga iya na kining gihimo sa Kapitolyo.

Apan labing una kini sa dak­bayan sa Talisay ug nalipay siya kay gihangop sa mga ta­wo nga nanan-aw.

Ang bangga sa pakatawa gisalmotan sa napulo ka mga contestant ug sa pagkahapon bangga na usab sa awit.

Kagahapon atol sa session sa Konseho lunlon Binisiya ang ilang gigamit nga pi­nulongan apan dihay mga hi­ga­yon nga mangatawa ang mga sakop sa Konseho tungod sa ilang gigamit nga mga pulong.

Gani atol sa ilang session, nihatag pa og privilege speech si Daan nga pulos usab binisaya may labot sa arts and culture. 

Hinuon, nahimo ra ki­ning malampuson sa kinatibuk-an.