MIGRABE na karon ang pagkatap sa mga basura nga wa mahipos sa dakbayan sa Talisay.
Kini maoy naobserbahan sa kadaghanan ialbi na diha dapit sa merkado sa Tabunok.
Tungod niini, gusto karon susihon sa mga opisyal sa syudad kon pila na lang ka mga garbage truck ang nagdagan.
Si Konsehal Manuel Cabriana, chairman sa Committee on sanitation and solid waste management sa konseho, mipalabang og resulosyon sa ilang session nga nag-awhag sa General Services Office nga inbentaryohon ang ilang garbage truck aron masuta kon pila ang nagdagan ug pila ang gubaon.
Matod ni Cabriana nga sigun sa iyang nasayran nga sa napulo ka mga garbage truck tulo nalang ang nagdagan samtang ang pito pulos na mga gubaon. Gani adunay mga higayon nga manghuwam nalang silag sakyanan sa mga barangay aron maoy mohipos sa mga basura.
Si Joan Vebar. pangulo sa General Services Office. mikompirmar nga gamay nalang ang nagdagan nga garbage truck sa siyudad.
Ila na kining gihimoan og report ngadto sa Commission on Audit nga ang maong mga garbage truck dili na magamit ug ila nalang kining isubasta.
Hinuon karong bag-o ang kagamhanan sa dakbayan sa Talisay mipahigayon nag bidding alang sa pagpamalit og duha ka mga dagkong garbage truck.
Lakip sa gipalabang ni Konsehal Cabriana mao ang resulosyon nga naghangyo ni Mayor Eduardo Gullas nga mogahin og pundo aron ipamalit og mga chemical.