Ginang miambak sa bridge

NABALIAN sa tuong kamot ang usa ka 45 anyos nga ginang human niambak sa taytayan sa sityo Porras, Barangay Sambag 1, Dakbayan sa Sugbo kay nahadlok sa giingon niyang ungo sa Miyerkules sa kaadlawon, Pebrero 5, 2020.

Giangkon sa ginang, lumolupyo sa mao nga dapit, siya nahadlok sa giingon niyang ungo hinungdan nga siya niambak sa taytayan.

Matod sa bana nga di gustong nganlan, wa siya makabantay nga nakagawas sa ilang balay ang iyang asawa.

Iya ning gihulagway nga wa sa maayong pangisip.

Sa pagresponde sa Superbalita Cebu sa dapit, naabtan pa niini ang Search and Rescue Unit sa Bureau of Protection (BFP) nga nikanaug sa tulay aron luwason ang ginang. Ang ginang dali nilang gidala sa Cebu City Medical Center (CCMC). (BBT)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph