NAPALGAN ang usa ka patay’ng lawas nga naglutaw niadtong Martes sa buntag, Pebrero 28, sa seawall sa Barangay Macabalan, dakbayan sa Cagayan de Oro.
Wala pa maila ang patay'ng lawas sa pagsulat ning balita kinsa gibanabanang 60 anyos ang panuigon.
Sa inisyal usab nga imbestigasiyon sa kapolisan, wala’y nakitang samad dinunggaban o pinusilan sa lawas niini ug gitoohang bag-o pa kini nga nahitabo gumikan kay wala pa miburot ang lawas.
Wala na usab kini girespondehan pa sa Scene of the Crime Operatives gumikan kay gitoohan man kini nga nalumos apan kinahanglan pa kini nga makumpirma pinaagi sa pag-otopsiya hinungdan nga gidala na lamang kini sa punerarya human kini napalgan.
Sa pagkakaron, ang patay nga lawas ang anaa na sa Somo Funeral Homes ning dakbayan ug pabilin pa nga wala’y identipikasiyon. (KCS)