NAILANG usa ka "Beatbox King" sa nasud, ang usa ka 19-anyos kinsa garbo nga "human beatbox Dabawenyo" ug naila di lamang sa Pilipinas lakip na sa tibuok kalibutan diha sa iyang pagpakita sa talento unsaon masagol ang tingog ug ang paglihot nga daw robot pinaagi sa usa ka pinasahe nga abilidad.

Ang atong bida niining adlawa mao si Neil Rey Garcia Llanes kinsa nahimong 2014 Ultimate Talentadong Pinoy Champion sa country's talent show sa telebisyon ug Semi-finals qualifier sa 1st Asia's Got Talent (AGT).

"Until now I really can't believe that I made this far, before I'm just doing this inside our bathroom but now I am performing already to millions of people. I thank God for this opportunity, I must share this blessing and continue inspire people," sulti sa atong bida diha sa iyang pasalamat ug utang kabubut-on nga gihatag kaniya sa Labaw'ng Makagagahum.

Giingon niya nga una niya naabot ang maong taas nga pasidungog ug kadaugan, nagsugod siya sa ubos kun "out of the beat" nga mga kasinatian sa kinabuhi.

"Akong Mama ug Papa walay mga work tapos akong kuya sa akong tita nagdako. Nagpuyo mi sa mora'g semi-squatter na area. Sa una si Papa naga-sideline lang na og luto pero kadtong nakahibalo nako mo-beatbox, naa na koy mga gig ug rakets, akong kita mao na na akong ginagamit panggasto sa balay ug akong pangbaon," saysay sa atong bida sa iyang kaagi sa kinabuhi.

Siya ang kamanghuran sa duha ka magsuon, kinsa siya ang gitawag nga "breadwinner" (saligan) sa pamilya.

Gisaysay niya nga sa nag-edad pa siya og 12-anyos, gisugdan na niya pagbansay ang maong talento, diin sa iyang mga kadaugan, anaa iyang pamilya ug andam niyang ihatag ang iyang talent fee ngadto sa iyang inahan aron makapalit sila pang-inadlaw nga mga panginahanglanon.

Gisulti sab niya nga nakatungha lamang siya karon sa kolehiyo tungod sa iyang apuhan nga usa ka maestra.

"I was able to enroll in college because of the support of my grandmother. My biggest dream is really to finish in college and earn a bachelor's degree. Because when the time comes when I am no longer good in human beatboxing, I can still be proud of myself since I finish college. My college diploma will still be the best gift I can give to myself and my parents," iyang pagsaysay kung unsa ka importante ang edukasyon kaniya.

Niining bag-o lang, nahimo siyang usa ka dakong garbo sa nasud didto sa Malaysia sa iyang gipakitang pagsulay sa audition sa Asia's Got Talent sa kalibutan kinsa way duha-duha nga nalakip sa semi-finals nga mosangka sa ubang talentado lukop sa Asia.

"I was so happy when I got the news from AGT that I qualified to the semi-finals of the competition. Only 24 of us will proceed to the semi-finals from hundreds who auditioned. Unfortunately, the AGT's schedule is in conflict with my studies, 'sayang' ang opportunity but my study is still my top priority, especially now that I am a year away from my graduation," saysay ni Neil sa paghatag og prayoridad sa iyang pagtuon.

"So I decided to drop chance for the first season, finish first my study and audition again for the next season," dason niya nga anaa ang paglaum ug way kabutangan nga kadasig sa kaugalingon.

Sa kalinghud sa pangedaron, iyang napalitan og kaugalingon nga yuta ang iyang pamilya, ug dunay planong motukod og balay aron bisan sa mga higayon napalipay niya ang iyang pamilya pinaagi sa pagpaningkamot ug suwerte nga gigasa sa Diyos.

"It is always my dream to have a house of our own. Now I am close to that dream. Indeed, hardwork and sacrifice really paid off," sulti niya.

Sa kasamtangan, siya graduating sa kursong Bachelor of Science in Business Administration major in Marketing Management sa Holy Cross of Davao College.

"I perform not just because I want the world to know me but because I want to share my talent and inspire more people around the world," butyag sa "human beatbox",

"Hindi ko naman madadala ito sa langit kaya habang andito pa gagawain ko ang lahat magamit lang ang talent ko para makapagpasaya ng kapwa," saysay niya.

"Dream and dream until you will achieve it, if not now maybe tomorrow, never get tired of dreaming, keep on beating the rhythms of life and Never Exit In Life," sumpay sa atong bida.

Ang kinabuhi sama sa "human beat boxing", kita ang mohimo sa atong kaugalingon nga tugtog, mohimo og kumpas sa kalipay, ug sa kasadya sa panagduyog.

Di igsapayan kung unsa kini ka kusog ug kahinay, basta anaa ang pagmugna sa musika nga gipatigbabawan og gugma, pag-antus ug pagbati nga madungog sa mga tawo nga nakigduyog sa palibot.