DAVAO City Police Office (DCPO) uban sa AFP-PNP Press Corps Association nagpahigayon og usa ka Media Security Training Seminar alang sa seguridad sa mga tigbalita kagahapon sa buntag didto sa DCPO Conference Hall.

Mismong ang mga opisyal sa DCPO-Special Weapons and Tactics (SWAT) team ug ubang opisyal nga gitahasan sa pagbansay mao'y nanguna sa programa.

Tumong sa maong seminar ang pag-edukar sa mga tigbalita sa posibleng mahitabo sa kinabuhi sa usa ka journalist luyo sa mga delikado nga takna sa maong trabaho.

Gihisgutan sab ang mga pamaagi aron malayo ang usa ka tigbalita sa kaalautan nga sugo sa mga tawong naligsan sa komentaryo ug mga artikulo.

Gipasabot sab sa mga mamumulong sa maong tigum nga kinahanglan anaa ang pagbantay sa palibot ugaling duna nay bahad sa kinabuhi.

Gi-ingon sa kapulisan nga gilayong modangop kanila aron mahatagan og hinanaling aksiyon ang pagprotekta sa mga tigbalita.(Jeepy P.Compio)