USA ka adlaw gikan sa opening ceremony, ang Pilipinas nakalangkat dayon og gold medal, ug kini kortesiya ni Claire Adorna sa women’s triathlon event sa 28th Southeast Asian Games sa East Coast Park sa Singapore.
Si Adorna mibaliwala sa iyang injury sa tikod ug mitapos sa kompetisyon sulod sa duha ka oras, 13 minutos ug .08 segundos ug gisundan kini sa iyang kauban nga si Kim Mangrobang (silver) ug sa Thailander nga si Sannuthai Arunsiri (bronze).
Ang taga Singapore nga si Zhiyun wa makatiwas tungod fatigue.
“Tuwang-tuwa po ako kasi sulit ang lahat ng paghihirap at pasakit,” matod ni Adorna kinsa mibulgar ngadtro sa mga media nga aduna siyay injury sa iyang wala nga tikod nga iyang nasinati sa Incheon Asian Games sa niaging tuig.
“Talaga kailangan na po ng surgery pero gusto ko po talagang mag-laro dito sa SEA Games at makapagbigay ng ginto sa bayan natin,” dugang ni Adorna kinsa mitapons sa finished line nga daw sa nakaluha tungod sa iyang kalipay atubangan sa mga misaksi niyang pamilya.
“Medyo umalalay na lang ako kay Claire dahil sa run namin may injury siya,” padayag usab ni Mangrobang kinsa maoy mikompleto sa 1-2 finish sa Filipinos sa maong event.
“Claire is our Lydia de Vega in triathlon,” mapasigarbuhong mipadungog si Philippine Olympic Committee chairman and Triathlon Association of the Philippines president Tom Carrasco nga mitandi kang Adorna ngadto ni kanhi Filipina track and field sensation.
u2018We were very lucky kasi mahina si Adorna sa run,” dugang ni Carrasco.
Karong alas otso sa buntag, mosuway pagkopya sa gold medal sweep mao ang conterpart nga sila si Niko Huelgas ug Jonard Saim kinsa gikatakda nga motadlas usab sa samang rota.