SI David Lee maoy adunay pina­kataas og suweldo sa Golden State Warriors. Himsog ug sakto usab sa talento.

Sa niaging tuig, ubos ni Mark Jackson, si Lee nag-averaged og 33 minutos matag duwa ug nahimong starter sulod sa 69 ka duwa nga nag-average og 18 puntos ug 9.3 rebounds.

Apan ubos sa ilang bag-ong coach nga si Steve Kerr, ang iyang mga averages grabing pagkunhod ngadto sa 18.4 minutes, 7.9 points ug 5.2 rebounds matag duwa.

Sa 15 ka duwa sa playoffs, ka­siyam ra siya makaduwa diin mo­sumada lang og 68 ka minutos, ug posibling di kini gamiton sa finals series batok sa Cleveland Cavaliers.

Sa sunod season mokita siya og $15 million nga maoy iyang ka­ta­pusan sa unom ka tuig niyang kontrata nga mokantidad og dul-an sa $80 milyones.

Sa niaging tuig, ang Warriors gi­hulagway nga usa sa maayong mo­depensa sa NBA apan naobserbahan nga weak si Lee niining bahina.

Ubos sa sistema ni Kerr, si Dray­mond Green maoy gipuli ni Lee isip starter ug daw nagmabungahon kini human si Green nahimong runner-up sa best defensive player award.

Kini maoy usa sa nga rason nga­nong si Lee mismo nakatimaho nga padulong na siyang i-trade.

“I think they tried to trade me the last two years, didn’t they?” pagtug-an ni Lee sa NBA.com.

“That’s nothing new,” matod ni Lee. “But once again, what’s kind of predicted and what ends up hap­pening is not always the same thing. We’ll just see what happens. I love it here. We have accomplished a lot here. We’ll see once the season’s over. The most important thing, though, is getting this ring first and then worrying about that later.”