Duwa karon:
(Jalan Besar Stadium, Singapore)
8:30 p.m. – Myanmar vs. Philippines
HUMAN sa 3-1 nga kapildihan sa mga kamot sa Cambodia, nag-atubang na karon ang Philippine national Under-23 team ug posibling pagkataktak sa 28th Southeast Asian Games football competition sa Jalan Besar Stadium sa Singapore.
Ang mga batos ni coach Marlon Maro, nga napukan usab sa Singapore, 1-0, niadtong Lunes, kinahanglan nga modaog akrong gabii batok sa Myanmar.
“We must win our last two matches against Myanmar and Indonesia or we go home early,” padayag ni coach Maro.
Ang Cambodians, kinsa mipildi usab sa Nationals, 2-1, sa AFC Under-23 qualifiers sa Thailand last March, nakaposte na og 2-0 nga labaw sa first half human sa goals nila ni Prak Many Udom ug Keo Sokpheng sa 30th ug 41st.
Kadto maoy unang kadaugan sa Cambodia sa Group A. Nanghinaot si Maro nga pildihon sa Singapore ang Cambodia ug kon modaog ang mga Pinoy batok sa Myanmar makaumol kini og posibling triple tie sa second spot.
Ang mga batos ni Maro moduwa nga wala si Arnel Amita sa ilang sunod duwa batok sa Burmese. Si Amita na-ejected human kini makakuha og yellow card human kini makakomiter og unnecessary foul.
“We played a very poor first half and a very good second half. We have to play strong for 90 minutes,” matod ni Maro. “If we had finished things off with the chances that we had, we could have at least one point (with a draw) tonight.”