DI na makatiwas og duwa sa nagpadayon nga NBA best-of-seven finals ang pointguard sa Cleveland Cavaliers nga si Kyrie Irving.

Kini human masuta nga adunay fractured ang iyang wala nga tuhod nga kinahanglan operahan ug modangat pag tulo ngadto sa u­pat ka buwan ang pagpaalim niini.

Tungod niini, ang Cavaliers nga una nang nawagtangan ni Kevin Love sa first round sa playoffs, di na usab makapahimulos sa serbisyo sa ilang All-Star pointguard.

“As far as how we prepare, we’ve been through this. We’ve played games without Kevin, without Kyrie,” matod ni coach David Blatt. “We know how we want to play when they’re not in there. From that standpoint, we can prepare. Our main concern right now though is just Kyrie’s health. That’s all.”

Ang injury sa tuhod ni Irving nabalik sa Game One niadtong Biyernes human kini na-outbalanced sa dihang nag-dribble kini nga giguwardiyahan ni Klay Thompson sa ka­tapusang minuto sa duwa.

Ang pag-opera ipahigayon sa Cleveland Clinic sa ilang head team physician nga si Dr. Richard Parker.

Hinuon di kini maoy unang higayon nga ang Cavaliers miduwa nga wala si Irving. Sa second round sa playoff, ang Cavaliers mipukan sa Chicago Bulls sa series ug ila usab nga giharos ang Atlanta Hawks sa Eastern finals nga wala si Irving.

Niadtong Biyernes, si Irving mibiya sa korte nga may 23 puntos, upat ka steals ug duha ka blocks.

“Saddened by the way I had to go out but it doesn’t take away from being (a part) of a special playoff run with my brothers,” matod ni Irving sa iyang Twitter.

“Truly means a lot for all the support and love. I Gave it everything I had and have no regrets. I love this game no matter what and I’ll be back soon.”

Sa pagpalta ni Irving, gituohan nga si Mat­thew Dellavedova maoy mopuli sa iyang luna.

Si Lebron James kinsa adunay 44 puntos sa Game One, mipadayag nga andam sila ni bisan kinsa nga available ning maong series.

“Well, there are a few things that you would love to have going late in the season,” matod niya. “That’s being healthy, having a great rhythm, and then you need a little luck as well. We’ve had a great rhythm. We haven’t had much luck, and we haven’t been healthy. But I haven’t gotten dis­cou­raged." (AP)