DEAR Tita Heart,

Good Day! Just call me Ida from Pagatpat. Mangayo lang unta ko og tambag nimo tita kung unsay angay nako nga buhaton sa akong live-in partner kay dili jud ko kasabot sa iyang batasan. Sige kasuko, wala ko kabalo unsa akong sala, makahunahuna jud ko og biya niya tita pero dili kaya sa akong heart. Naglibog ko unsay akong buhaton tita.

Ida

*****

Hello Ida,

Nakahunahuna ka nga mobiya pero tungod kay gugmahan kaayo ka, mao na dili ka makabuhi niya. Hangtod dili niya ipasabot kanimo kung unsay rason nganong sige siya kasuko, dili gyod magmalampuson inyong relasyon. Maayo unta tong mosulti siya nganong nasuko siya aron sab makabalo ka unsay imong sala ug unsaon nimo pagkorek sa imong sayop. Mas maayo magstoryahanay mo og tarong ug kung dili gihapon maminaw, ayaw na ipatigbabaw imong gugma.

Tita Heart