GENERAL SANTOS CITY -- Nabulabog karon ang buhatan sa City Permits and Licensing Division sa General Santos sa pagpa-meke sa pipila ka mga business permits nga giisyu alang sa tinuig nga bayranan sa mga pamatigayon sa siyudad.
Matud ni Geraldine Zamora, labaw sa maong buhatan, nakadawat sila og taho nga usa ka negusyante sa dakbayan ang nabiktima sa pagpeke sa iyahang business permit.
Nasuta nga ang pekeng business permits nakapangalan sa usa ka Rustico Tapangan, apan hugtanon niining gipanghimakak nga aduna kini kasayuran ug gipamugos nga nabiktima lamang kini sa mga sindikato ug posibleng gigamit lamang ang iyahang pangalan ug negusyo.
Nasayran sa maong bahatan nga gi-photoshop ang pipila ka mga barcode sa City Government ug ang selyo sa siyudad.
"According sa tao, ha, na on process pa ang kanyang permits, bakit siya nagkaroon ng permit? Nakita namin na ginaya lang ng mga expert sa IT ang barcode at seal ng City kaya mag-ingat sila sa mga sindikato at huwag magtiwala kahit sino," subling pahimangno ni Zamora sa mga negusyante ug bookkeeper nga tig-renew sa ilang business permit. (Emir Bariquit)