'Pari way kapasidad'

KINAHANGLANG tun-an una og maayo sa Philippine National Police (PNP) ang plano nga paubanan og pari o pastor ang pagbalik sa Oplan Tokhang batok sa mga nalambigit sa gidili nga drugas.

Si Msgr. Esteban Binghay, episcopal vicar sa Archdiocese of Cebu, niingon nga ang simbahang Katoliko angay mohimo og iyang kaugalingon nga Tokhang ug dili mouban sa mga pulis sa mga operas­yon nga maghangyo sa mga gidudahang durugista nga magbutang nga magbutang sa peligro sa iyang kinabuhi.

“Para nako, dili angay mo-involved og police matters ang mga pari, pastors ug ubang religious sector kay aggressive action baya na against sa mga durugista. Magpinusilay unya na, maigo sila,” pasabot ni Binghay sa pakig­hinabi sa Superbalita Cebu.

Matod niya, angay nga hingusgan sa Simbahang Katoliko ang pag-edukar sa mga tawo sa mahimong sangputanan sa paggamit o paglambigit sa kaugalingon sa drugas.

Managsama ang ilang baruganan ni Msgr. Joseph Tan, tigpamaba sa artsidyosesis sa Sugbo bahin sa pagpaku­yog og pari sa mga Tokhang opera­tion.

Alang ni Tan, makabalda lang unya ang mga pari sa mga operasyon sa mga pulis kon mouban human wala kapasaidad sa police matters.

Siya nidugang sila nga mga pari mohimo sa mga butang subay sa ilang kapasidad isip tigsangyaw sa mga pulong sa Ginuo ug magbuhat sa mga tulumanon sa mga alagad sa simbahan.

“I don't think competent ang pari kay this Tokhang operation requires special trainings. Otherwise, mahimong liability ang pari sa operation,” pamulong sa tigpamaba sa artsidyosesis.

Matod ni Tan makatabang sila sa kapulisan pinaagi sa rehabilitation ug pagtambag sa mga drug surrenderee.

Wa pa makadawat og pormal nga imbitasyon ang simbahan gikan sa kadagkuan sa PNP sa pagpahigayon og balik sa Oplan Tokhang.

Si Tan nidugang ang pagdapit sa PNP sa mga pari sa mga operasyon sa Oplan Tokhang nagpakita nga ang gobiyerno nihatag og bili sa simbahan isip katambayayong sa paghimo og kausaban sa mga gidudahang nalambigit sa ginadili nga drugas.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph