DUNAY deperensiya sa pangisip gitabangag lugos sa uyoan ug pag-umangkon dihang gidagit nila ang biktima niadtong Sabado sa alas 8:00 sa buntag sa Barangay Compostela, lungsod sa Alegria.

Si Anne (dili tinuod ngalan), 27, dunay deperensiya sa pangisip, naluwas ni kanhi Barangay Kapitan Eterio Purgator­io human siya nahanaw niadtong Huwebes sa gabii sa miaging semana.

Ang suspek mao sila si Torio (tinuod ngan gipungan aron pagpanalipod sa dungog sa biktima), 51, ulitawo ug local tourist guide, ug, pag-umangkon nga si Joseph (tinuod ngan gipugngan samang rason), 25, ulitawo, parehong nagpuyo sa naaoy nga dapit.

Si PO1 Canesio Amat­ril Jr., sa Alegria Police Station nga nahinabi sa Sun.Star Superbalita nagkanayon nga naalarma ang mga silingan sa biktima human ang kabanay niini nipahibalo nga nahanaw.

Tungod niini, nagtinabangay ang mga residente sa lugar sa pagpa­ngita sa biktima hangtud nga si kanhi kapitan Purgatorio nakasuroy sa panimalay sa suspek.

Nakit-an ni Purgator­io nga didto ang biktima hinungdan nga dali niyang giluwas ug gidala sa mga ginikanan niini.

Ang kanhi kapitan uban sa ginikanan sa biktima nitaho sa kapulisan apan, ang uyoan ug pag-umangkon nga mga suspek nawala na sa ilang lugar.

Nasuta sa imbestigasyon nga ang biktima naligo niadtong Huwebes sa gabii, dihang gibunlot sa mga suspek, gitagoan sa panimalay ni Torio, ug gipulipulihag lugos.

Ang biktima mitug-an nga gihulga siyang pat­yon sa mga suspek kon motug-an ug mosinggit hinungdan nga way nahimo sa pagkakuha sa iyang pagkababaye.