KAGAW, singot ug ubang problema sa tiil susama sa samad. Mao kini ang rason nga mobaho ang sapatos. Ania’y sayon nga mga pamaagi aron magpabilin nga way baho imong sapatos. Ang nakanindot, makita ra kini sa atong panimalay.
Baking Soda
Butangi ang sulod sa imong sapatos og baking soda ug pasagdi kini og usa ka gabii.
Iyabo ang baking soda ineg ka buntag. Mamahimo usab nimong gamiton ang baking soda isip “odor eaters” pinaagi sa pagbutang og duha ka kutsara nga baking soda sa tumoy sa karaan nga medyas dayon higti kini. Ibutang kini sa sapatos tibuok gabii ug tangtanga inig ka buntag atol sa paggamit.
Fabric Softener Sheets
Dili siguro ka familiar niini apan mapalit kini sa grocery. Mamahimong butangan nimo og fabric softener sheets ang sulod sa imong sapatos, overnight gihapon aron mawagtang ang baho niini. Mas maayo usab kon mag-gym ka nga i-deodorize o pahumotan usab nimo ang imong gym bag nga gibutangan nimo sa imong sapatos. Kon nakakita na ka og baby wipes, susama kini sa fabric softener sheets.
Asin
Kinsa gyu’y balay ang wala’y asin? Nahibawo ba ka nga mamahimong makatangtang sa baho ang asin sa sapatos. Suwayi, apan hinumdumi kana imong espadrille mobaho gyud na hilabi og wala’y medyas. Pag-medyas bes.
Essential oils
Tulo-i og pipila ka drops sa essential oils imong sapatos aron mohumot kini. Suwayi ang eucalyptus, close o tea tree oil. Kon dili ka ganahan nga i-tulo kini didto sa imong mahalon nga sapatos, gamit og papel o tissue ug ibutang kini sa sapatos overnight.
Rubbing alcohol
Butangi og rubbing alcohol ang hugaw nga parte sa imong sapatos aron mawagtang ang baho niini. Dili lang makaminus sa baho ang rubbing alcohol apan maka-disinfect usab kini.
Itom nga tea bags
Aduna’y tannins ang black tea bags diin mao kini ang motrabaho sa pagpatay sa kagaw sa imong sapatos aron maminusan ang baho. Ibutang ang tea bag sa nagbukal nga tubig sulod sa 2-3 minutes.
Tangtanga kini ug pabugnawa. Ibutang dayon kini sa imong sapatos sulod sa us aka oras. Human, tangtanga dayon paugha ang mga basa nga nahabilin sa imong sapatos.
Baby powder
Mamahimong magbutang og baby powder sa dili pa gamiton ang sapatos aron dili kini mobaho. Kon kahibawo ka nga singtanon kag tiil, butangi nalang daan og baby powder.
Cat litter
Alang sa mga cat lovers, nahibawo guro mo ani. Mao ni ang gamiton nga alang sa mg iring aron ilahang kawtan-kawtan. Aduna’y daghang deodorizers ug mosuyop usab og likido ang cat litters.
Butangi ang sulod sa imong sapatos niini ug pasagdi tibuok gabii. Tangtanga ineg ka buntag ug trapohi imong sapatos og panapton aron limpyo.
Pabugnawa imong sapatos
Kon dili effective ang mga home remedy nga nauna niini, kay lagi baho gyud ka’g till as a person, suwayi ni. Pabugnawa sa freezer o sa refrigerator. Ibutang imong sapatos sa sealable bag dayon isulod sa freezer overnight. Patyon niini ang kagaw sa imong sapatos.
Labhi na
Kon di gyud mawagtang ang baho, labhi pud na besh uy. Malimpyo pa imong sapatos mawagtang pa ang baho. Kon wala ka’y dryer, ibuwad sa init aron mouga ug mamatay ang kagaw.