ANG Lady Knights Football Club nakadepensa sa ilang titulo human miposte og 5-1 nga kadaugan kontra Philippine College of Technology sa 6th Davao Regional Football Association under 17 Girls League, Sabado, Marso 11, sa Faith International Academy Football Field sa Marfori Heights Subdivision, Davao City.
Si Patricia Erika Francisco sa Ateneo de Davao University maoy nanguna sa Lady Knights uban sab ang suporta ni Julien Meredith.
Suma ni Coach Racelle “Ching” delos Reyes sa SunStar Davao nga gikinahanglan ang taas nga pasensiya, pagbansay ug commitment sa isports aron mapabilin ang titulo sud sa unom na katuig.
“The team was very committed to their practices and preparation whole year round,” matod ni delos Reyes, dungan sa pagsulti nga malipayon siya sa gipakitang performance sa iyang atleta luyo sa limitadong oras tungod sa eksam ug mga kalihukan sa eskwelahan.
“I am also thankful that there were no injuries,” dugang sa pagsulti nga nanukad na sab ang tim sa Davao Regional Athletic Association Meet 2017.
Gihatag sab ang special awards ngadto ni Semacio (best striker), Shanelle Ostan (best midfielder), Julianna Raine Taojo (best defender), ug Chiyo Jan Marasigan (best goal keeper).
Samtang ang Crossing Bayabas National High School nabutang sa ika-tulo nga pwesto human gipildi ang Faith International Academy, 5-0. (ABM)