Nalzaro: Dili kaha anak og pari si Grace Poe?
“ANAK sa liki sa kawayan.” Mao kini ang kasagaran itawag kaniadto sa usa ka bata nga illegitimate. Apan karon dili na. Ang tawag nila Anak sa dakong .....(oops dili pwedeng isuwat kay ma-censor ta). Kaniadto god dako kaayong eskandalo kon ang usa ka lalaki adunay mga anak sa laing babaye gawas sa iyang asawa. Mas dakong eskandalo kon ang maong bata anak sa usa ka pari. Pero daghang mga pari labi pa kadtong mga Katsila o mga friars nga naka-anak unya madre pa gyud ang ilang naanakan.
Mao tong mga isyu nga daghang mga mabdos nga mga madre apan ipakuha og ang mga bata diha lang gipanglubong likod sa simbahan. Karon ang ubang mga pari dayag na sa ilang mga kalapasan sa lagda sa simbahan. Daghan mga pari nga adunay mga live in o asawa gani ug adunay mga anak apan nag-alagad gihapon sa simbahan. Dakong imoral.
Grace Poe
Kon atong gamiton kining maong termino kini si Senador Grace Poe, anak diay ni siya sa liki sa kawayan. Hangtod karon nangita pa siya sa iyang biological parents o tinud-anay nga mga ginikanan. Matod pa sa estorya nga didto makit-i kini si Grace sa simbahan sa Jaro sa Iloilo City nga gibilin lamang. Gisagop siya og usa ka magti-ayon sa wala pa masagop sa magti-ayong Fernando Poe Jr., ug Susan Roces. Dili kaha kini anak og pari si Grace Poe unya didto lang gibilin sa simbahan? Posible baya. Si anhing Jaime Cardinal Sin ang arsobispo pa sa Jaro niadtong higayona.
Pero adunay dugay na nga tsismis nga si Grace Poe anak ni kanhi Presidente Ferdinand Marcos ug sa actress nga si Rosemarie Sonora, igsuon ni Susan apan gipasagop lang nila ni Fernando ug Susan aron dili ma-eskandalo si Marcos. Didto matod pa ipanganak ni Rosemarie si Grace sa Amerika. Kon ato kining tuohan, dan igsoon sa amahan sila ni Grace ug Senador Bongbong Marcos.
Ang actress nga si Lovi Poe maoy tinud-anay nga anak ni Fernando kay maka-anak man daw to si FPJ. Si Susan maoy dili maka-anak.
Binay sinagop pod
Makakabig og simpatiya sa publiko kining estorya sa kinabuhi si Grace Poe. Busa si Vice President Jejomar Binay nangangkon nga siya sinagop pod. Taga Bontoc, Mountain Province ang kagikan ni Binay. Kuyaw ani og si Sec. Mar Roxas mo-angkon pod nga sinagop ra pod siya sa mga adunahan banay’ng Roxas.
(bobby.nalzaro@yahoo.com)