Mga kapitan sa norte gitagbo ni Rama

GITAPOK ni Mayor Michael Rama ang mga opis­yal sa barangay sa amihanang distrito sa dakbayan sa Sugbo aron kuhaan og mga kasayuran sa ilang mga programa ug proyekto.

Ang mga kasayuran maoy basehan sa ma­­­yor sa iyang iduso nga budget sunod tuig.

Una nang gitagbo ni Rama ang 34 ka mga barangay kapitan sa habagatang bahin sa dakbayan sa miaging semana.

Ang mayor nagkanayon nga pinaagi sa consultative meeting, sayon na lang sa iyang administrasyon pag-ila kon unsay gikinahanglan sa mga lumolupyo sa dakbayan.

Si Rama niingon nga pinaagi sa panagtigom mahibaw-an tukma ug husto nga panginahanglan sa katawhan nga prayoridad sa paghan-ay sa budget.

Si Kapitan Allan Mase­cam­po sa San An­to­nio nagkanayon nga pra­yoridad sa ilang barangay mao ang drainage sanglit kon mokusog ang uwan, mosuyla ang tubig sa Don Pedro Cui ug Junquera extension.

Dugay na ang mao nga problema, apan naglisod sa pagsulbad ang barangay bisan pa sa gihimong nangaging pagpalambo sa drainage system.

Samtang ang Barangay A­­pas pinangulohan ni Kapitan Ramil Ayuman nitumbok sa drainage ug pagpase­mento sa ilang karsada.

Matod ni Ayuman nga nanginahanglan sila og mga heavy equipment sama sa backhoe.

Ang kalihukan napahigayon pinaagi ni Andrew Borres sa Barangay Affairs Unit sa City Hall.

Ningtambong usab sa tigom ang 12 ka mga kauban ni Rama sa Team Rama nga nag­lakip kanila ni kanhi party list representative Jun Alcover, Ra­mil Ayuman, Joel Garganera, Atty. Raymond Garcia, JP Labella, Atty. Melvin Legaspi, Yody Sanchez, Felicisimo Rupin­ta, Edwin Jagmoc, Ronnie Caminade, kanhi kapitan Bong Basamot ug Konsehal Noel Wenceslao.