HUMAN mapasa ang korona kang Miss Universe 2016 Iris Mittenaere sa France, ratsada na sab sa trabaho si Miss Universe 2015 Pia Wurtzbach.
“Nagpahinga ako a few weeks after the Miss Universe pero balik trabaho na ako ngayon,” tsika ni Pia atol sa Olay Meet and Greet event sa NCCC Supermarket, NCCC Mall, Matina, Davao City.
Ang beauty queen miduaw sa lain-laing dakbayan ug lugar gawas sa Metro Manila ug Davao City ang unang dapit nga iyang giadtuan sa Mindanao.
“Marami pa akong gagawin, hindi ko muna sasabihin kung ano, secret muna. Abangan niyo,” ni Pia.
Sa pikas bahin, mipaambit sab og pipila ka beauty tips si Pia atol sa meet and greet.
Say niya, nagagamit siya og Olay Total Effects alang sa fresh and radiant skin.
Mipaambit sab si Pia og mensahe ngadto sa kinsa mang moapil og pageants.
Say sa dalaga nga di tanang higayon swertehon ka, apan di lang mawad-an og paglaum.
“After you join, you will learn a lot about yourself.”
Dugang niya: “Wag kayo mawawalan ng tiwala sa sarili niyo, wag kayo mawawalan ng tiwala sa Diyos.”