GILAUMANG mokawat og dakong atensyon ang mga mahuyang nga magduwa og basketball sa lungsod sa Concolacion, Cebu.
Ang duwa sa mga mahuyang usa sa mga kategoriya nga kombatihan sa Rotsen Cup basketball tournament nga sugdan karong Hunyo 28 sa Brgy. Lamac, Consolacion, Cebu.
Gawas niini, ang ubang mga kategoriya mao ang Juniors (18-21), Seniors (22 and above), ug Class B (40 and above).
Ang pinasidunggang mga dinapit atol sa opening program pangulohan nila ni Cebu Governor Hilario P. Davide III ug Vice Governor Agnes A. Magpale. Motunga sab sila si Mayor Teresa Alegado ug Vice Mayor Aurelio Damole.
Nagkanayon si Hon. Mario Dico, Committee on Sports and Youth Development chairman sa brgy. Lamac, nga ang katuyoan sa torneyo mao ang pagpalambo sa portsmanship sa ilang mga kabatan-unan. Alang sa impormasyon, mahimong motawag sa 0927-6834624.