SA ka dako sa iyang pagsalig nga makalangkat og gold medal ang Gilas cadet sa Southeast Asian Games sa Singapore, si Kiefer Ra­vena misaad nga dili mouli ang team sa Pilipinas kon dili kini magmalampuson sa ilang misyon.

“Pag hindi namin magawa, ma­lamang maghanap na kami ng trabaho sa Singapore,” matod ni Ra­vena sa interbyu sa Spin.ph.

“Oo naman, dapat lang (gold ang kunin namin). Anything less than that is a failure for us and for the Filipino people expecting us to win the gold.”

Aduna sab gyud hinuo’y katarungan si Ravena nga makasulti niini gumikan kay ikatulo na kini niyang pagrepresentar sa nasod alang sa matag duha ka mga tuig nga kompetisyon.

Ang Philippine basketball team diin kauban si Ravena ningdominar ug ninglangkat og gold medals sa 2011 ug 2013 nga mga edisyon sa kompetisyon.

Sa Southeast Asia, ang Pilipinas maoy labing gikahadlukang puwersa sukad pa kaniadto.

“Pag hindi na kami nandito malamang naghanap na kami ng trabaho sa kung saan man ginanap ang SEA Games at hindi na kami nakauwi,” dugang ni Ravena.

Gawas kang Ravena, ang ubang mga sakop sa Gilas cadets mao sila si Prince Rivero, Baser Amer, Giovanni Jalalon, Scott Thompson, Marc Belo, Troy Rosario, Almond Vosotros, Norbert Torres, ug naturalized player Marcus Douthit.