MIAPIL si Miami Heat guard Dwyane Wade sa ABC pregame crew kagahapon ug gitirahan dayon siya sa kauban niyang analyst nga si Jalen Rose og dakong pangutana – “Are you leaving Miami?”
Si Wade, kinsa puwede nang mahimong free agent karong Hulyo 1, mibalising gikan sa maong pangutana.
Sama ni Wade, ang Miami wala sab mopagawas og komentaryo kabahin ning maong isyu apan usa ka kasaligang tinubdan ang nipabuhagay nga wala pa nagkasinabot ang duha ka mga kampo ning puntoha.
“We’ll worry about that in July. Right now, we’re going to focus on these finals. This is our biggest showcase,” matod ni Wade, kinsa nagtumbok sa 2015 National Basketball Association (NBA) Finals tali sa Golden State Warriors ug Cleveland Cavaliers.
Kabahin sa engkuwentro sa Cavaliers ug Warriors, gipasabot ni Wade nga kanunay gyud siyang patas kon wala’y kalambigitan ang Heat. (AP)