LAND of Promise, nagbaha nga Durian, Philippine Eagle, Waling-Waling.
Apan karon, di na lamang kini ang angay nga atangan ug subayon kon ania ka sa dakbayan.
Marso 8 ning tuig, gibuksan ang labing una dili lamang sa Mindanao apan sa Pilipinas gayud, ang Malagos Chocolate Museum nga anaa sa Malagos Garden Resort sa Baguio District, Davao City.
Suma ni Malagos Garden Resort managing director ug museum principal designer Charisse Puentespina nga ang museyo nagtumong nga ma-establisar ang nasud nga “premium cacao grower and a chocolate producer.”
“It has always been our advocacy to educate and share our experience on cacao-growing and chocolate-making to the public.”
Sa chocolate museum masaksihan sa mga bisita ang proseso lakip na masinati sab nila ang paggama og tsokolate.
Gikan sa punuan ngadto na sa pagkagama niini nga tsokolate nga ibaligya sa merkado.
“Where we plant is just across the resort, how it was harvested, the factory is just within the area. So in terms of traceability, you really are sure about what you are eating. Our chocolate is single-origin,” pasabot niya sa “tree to bar experience.”
Ang mga gitanum nga kakaw nila anaa sa 30-ektarang luna, nga nahimutang duol lamang sa resort.
Unsa ang anaa sa sulod?
Naay resort entrance fee nga P200, diin ang bisita tudluan ug makat-on asa gikan ang tsokalate, lakip na proseso niini.
Itudlo sab sa bisita unsaon sa pagtilaw o pagdakop ang lamiang tsokolate, ug kalahian niini, sama sa dark ug milk chocolate.
Ug ang highlight mao nga tudluan ang bisita sa paggama sa kaugalingon nilang chocolate.
“We are hoping it can be interactive, learning is not necessarily through books but more on experiences in developing the cacao industry here,” suma ni Charisse.