Oarfish nga nadagsa gikagubtan

GIKAGUBTAN na usab sa mga residente ang laing oarfish nga nidagsa sa baybayon Sabado, Marso 25, sa Zone-2, Barangay Agusan, dakbayan sa Cagayan de Oro.

Patay na nga nidagsa sa maong baybayon ang oarfish diin adunay abhak sa iyang likod ug putol pa ang ikog niini.

Subay pa sa mga residente sa maong dapit, giingong unang nakita sa duha ka mga bata ang midagsa nga oarfish sa baybayon sa nahisgutang dapit ug dali kining mitaho sa ilang mga ginikanan ug mga kasilinganan.

Giingong gibana-banang mokabat sa 12 ngadto na sa 15 ka mga tiil ang gitas-on sa oarfish.

Usa sa mga mangingisda ang mibutyag nga sukad masukad mao matud pa kini ang unang higayon nga nakakita kini sa susama niadto nga isda.

Daghan ang nabalaka nga residente sa pagpatim-aw niini gumikan sa gika-

report nga daw gatagna kini og linog.

Kahinumduman niaging bulan, usa gihapon ka oarfish ang napalgan sa baybayon sa Barangay Gusa ning dakbayan.

Sa pagsulat niini nga balita, ang patay nga oarfish ang gitakdang ilubong sa mga residente sa maong dapit.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph