Ciar: Proud dad Michael Luke Mejares

HUMAN sa 13 katuig sukad sila nagkita sa iyang biological father sa Amerika nga gibahaan niyag luha human siya gi-deny niini, karon usa na usab ka amahan si Luke Mejares. Akong natugkad kon unsa siya ka proud daddy ug hands-on karon sa iyang mga anak dihang ako siyang naka-one-on-one sa first anniversary party sa Liv Superclub, diin usa siya sa guest performers. Bonding to the max ang among chikahan, niya pa: “just like the good old days.” Michael Luke Mejares, Sssuper Ka!

Unsay na-miss nimo sa Cebu?

Ngohiong ug pungko-pungko. Mao nga everytime gikan ko Cebu inig balik nako sa Manila magdala gyud kog frozen ngohiong para sa akong pamilya.

Pila na kabuok imong bata?

Duha. Akeisha is grade 6 while Jamal is grade 3, both attend classes in Multiple Intelligence International School.

What’s the most difficult part of being a dad?

Siguro kanang naay fever or sakit mga bata. Kung pwede ako na lay mo- suffer kaysa sila. Ang happiest kanang makuyog nako sila. Everytime mouli ko gikan sa gig or raket, bisan kapoy unya inig uli nako sa balay, makakita ko nila, mawala tanan kakapoy. Or kung mag I love you sila nako, wagtang tanan stress sa kinabuhi.

Bonding moment?

Kung ting exams, kami tutor lalo na si wifey. We make it a point nga dungan kaon sa breakfast, lunch, dinner. Weekend mosuroy sa mall or eat out. Sunday a.m. mo hear og mass. Kon vacation time mo out of town. Kung naay budget gamay out of the country.

Imong wife di ba taga-Cebu?

Yes, si Inger. We’ve been married for 12 years. (Ang iyang misis anak sa igsuon ni ex-Congressman Tony Cuenco).

Diin mo nag-meet sa imong wife?

I met her when I had a show in Cebu. She watched the show `cuz the producer was her friend. No, she’s not a fan. Wa jud siya kaila nako kay Side A ra iyang nailhan nga band at that time. Hehe...

Naa moy theme song?

No theme song but we love to listen and sing-along with 80’s and early 90’s songs.

Unsay typical day nimo?

I see to it that I wake up at 6 am bisan pa makauli ko sa gig at 2 or 3 am kay ako jud tighatud sa mga bata sa school. Pero kung out of town ko, that’s the time nga si wifey mohatud ug kuha sa mga bata. Wa mi mokuha og services sa school bus kay ganahan mi nga kami jud hatud kuha. Dali ra ba kaajo modako mga bata mao as much as possible kuyog jud pirmi.

Any plans sa Father’s Day (June 21)?

Dinner with wifey & kids then maybe mag-explore og bag-o nga lami nga dessert. We love to eat. Mao Daddy Body na ko karon.

Any upcoming shows?

Naa koy Pagcor Casino nationwide tour every month nga mag-start June 26 sa Waterfront Cebu City Hotel. I’m also recording now my 4th solo album. The first single will be released end of June. My producer is Marcus Davis Jr., hubby of Amber Davis. I’m going back to my RnB sound. I also had a show in Canada last February.

Unsay mga pambato nimong kanta ron?

Songs by Michael Jackson, Sam Smith, One Republic, Bruno Mars, John Legend and also songs from my former band South Border. Late last year, I had shows in Kuwait and Dubai diay pud.

Aside from singing, are you also into business?

Naa mi gamay negosyo sa akong wife pero daghan mi partners. We are based in Manila kay didto man jud akong panginabuhi ug panikaysikay.

Asa mo nagpuyo ron?

We live in Quezon City kay convenient kung naay tv guestings kay kasagaran networks naa sa QC.

Inyo na nang balay?

Kaluoy sa Diyos naimpas na sa banko ang utang namo sa balay niadtong 2008. So, kami na jud tag-iya. Hehe... Di kaayo dako ang balay kay townhouse ra man s’ya pero sakto lang para namo nga gamay nga pamilya.

So far, unsay imong unforgettable concert/show?

In 2008, a year before my idol Michael Jackson’s death nag-concert ko sa Music Museum, where I performed all his hits. Then a year after he passed away, naghimo kog repeat. It was very emotional kay nagtubo ko idolizing him. Ug everytime siguro naay out of the country show bay kay warm kaayo ang reception sa atong mga kababayan. Makakita ko nga naay manghilak cuz gimingaw sa Pilipinas kay some of them dugay na wa kauli and they miss their families so much.

Tig-adtoan pa ka sa imong hometown sa Bohol?

Pirme, last nako pag June 2 to June 5. Naa pa mi balay didto kay akong mama ug papa naa didto. Nakakuha pud ko gamay nga yuta sa Panglao pero dili beach front kay mahal. Plano nako didto ko mo-retire inig ka tiguwang. Hehe... Wala koy balay sa Cebu. Everytime anhi mi, puyo ra mi sa balay sa akong misis.

Asa na diay to imong biological father? Naa pa kay contact?

Wala na. Ok na to nga nakakita ko niya. Kon unsa man iya reasons ngano wala ko niya dawata, akong gi-respect. Naa jud ko papa ug mama sa Bohol nga nagpadako ug nagmahal nako unconditionally. For me, family is not always biological.

Maayo buhi pa imong parents?

Yes, kaluoy sa Diyos. Askil pa akong Papa Nonoy, 76 years old, ug akong Mama Babie, 75.

Unsa na ka yaman si Fafa Luke?

Yaman? Kung kwarta di jud ko datu bay. Siguro sakto lang maka-provide og mga need sa family. Got educational plan for my kids, too. Insurance kon simbako naay mahitabo nako. Hehe... Para naay mahibilin for my family.

Unsa pa’y gusto nimong ma-achieve?

Siguro, it’s every singer’s dream to be heard internationally. I hope that one day ma-achieve na nako. The album I’m recording right now is the most personal album nga akong i-release. I hope and pray that it will be heard not just in the Philippines but also in the international scene. Sa Tinagalog pa, Libreng mangarap!

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph