ANDAM na ang tanan alang sa Rizal Memorial College (RMC) Batch '89 Alumni Fun Run 2015 nga himuon sa Hulyo 5 nga magsugod ug mahuman sa RMC Campus sa Davao City.

Si Race organizer Richard Comajig sa Davao Striders miingon atol sa interbyu sa Sun.Star Davao.

Dugang ni Comajig nga gilaumang moabot sa 2,000 partisipante ang moapil.

Ang lumba dagan dunay kategoryang 3k (12 years old and below) boys and girls, 5k boys and girls, and 10k boys and girls.

"Ongoing pa ang registrations," asoy pa ni Comajig.

Ang registration nagkantidad og P300 lakip ang singlet, race bib, ug meal stub.

Ang rota sa dagan magsugod sa RMC campus nga motuyok sa Caltex Station sa Torres (3k), Davao Alliance Bible College and Seda Hotel (5K), ug SM Lanang Premier (10k).

Ang deadline sa pagpalista sa Hulyo 4.

"Naa na ta sa 25% ang mga nagparegister. Motaas pa ni kay required man magapil ang mga estudyante sa RMC," ni Comajig.

Premyong kuwarta ug medalya ang modaug sa tulo nanguna sa matag kategorya.

Ang matigom nga kuwarta matud pa ni Comajig idonar sa pipila proyekto sa tunghaan.

Mahimo magpalista sa Abreeza Mall near Toby's Area, People's Park, ug RMC campus.

Alang sa dugang impormasyon, ikontak si Lucy sa numerong 09288682844 o Slyvia sa 09352941125.

Ang kalihukan gi-host sa RMC Batch '89 sa kooperasyon sa Davao Striders. (KRP)