ANG opisyal sa Davao del Norte Provincial Police Office (DNPPO) nagsulti kagahapon, Hunyo 9, nga ilang gisusi karon ang anggulo nga "inside job" ang nahitabong paglungkab sa Treasurer's Office sa Carmen, Davao del Norte, Martes sa kaadlawon.

Si DNPPO Director Samuel Gadingan, sa pakighinabi sa Sun.Star Davao pinaagi sa telepono, nagsulti nga naglusad sila og follow-up investigation aron maila ang mga tawo nga naglungkab.

"Isa din sa tinitingnan naming angulo ang inside job doon sa Treasurer's Office kasi parang alam nila kung anong oras at timing na gawin yung pagnanakaw," sulti ni Gadingan.

Si Gadingan nagsulti nga ang mga kawatan nakalimas sa P700,000 gikan sa vault sa maong buhatan.

Ang opisyal, sa laing bahin, nalibog nga ang mga opisyal sa buhatan nagbilin og dakong kantidad.

"May Civil Security Units ang mga municipalities at dapat sila ang in-charge sa kanilang areas, kaya lang minsan nawawala yan sila sa kanilang mga post, iniiwanan nila yan," sulti ni Gadingan.

Siya midugang nga naghimo sila og emergency meeting sa DNPPO kagahapon sa hapon aron sulbaron ang insidente.

"Pinaiimbestigahan na namin ang incident. Sa aming emergency meeting, we will be talking about our counter measures sa nangyari," pahayag ni Gadingan.

Iya usab gidasig ang tanang hepe ehekutibo sa mga munisipyo nga magbutang og closed circuit television cameras sa ilang mga buhatan.

"Makakatulong kasi yung mga footages if may nangyayaring ganito. And hopefully, we can have a successful resolution of this case," panghinaut ni Gadingan. (Karlo R. Pates)