DUMAGUETE CITY - Tin foil, candies ug perfume nasakmit sa Bureau of Jail Management and Penology (BJMP), Negros Island Region (NIR) 18 sa ronda nga gipahigayon sa Dumaguete City Jail.
Ang Oplan Greyhound ug Oplan Galugad gipangulohan mismo sa regional director sa BJMP-NIR-18 nga SSupt. Hernandez Grande uban sa 50 ka mga ginasakpan niini.
Ang ronda gihimo human sa tulo ka insidente diin may nadakpan nga usa ka seaman nga mipalit og illegal drugs gikan sa iyang ig-agaw nga binilanggo, ikaduha usa ka babaye nadakpan sa entrapment operation sa Philippine Drug Enforcement Agency (PDEA) ug kapolisan nga mibaligyag shabu balor og P100,000 ug ikatulo usa ka binilanggo nadakpan nga mibaligyag shabu nga mikantidad og P200,000. FB