ANG star player sa Philippine women’s volleyball team sa 28th Southeast Asian Games nga si Alyssa Valdez nibutyag nagsunod siya sa National Basketball Association (NBA) Finals tali sa Cleveland Cavaliers ug Golden State Warriors.

Gipabuhagay sa 21 anyos nga produkto sa Ateneo nga nagsuporta siya sa Cavaliers gumikan kay usa siya ka sumosunod kang LeBron James.

“Cavs for the win,” matod sa batan-ong national player nga napatik sa ww.spin.ph.

Usa ka diehard fan si Valdez sa Cavaliers sa simpleng rason – ang No. 23.

Ang garbo sa San Juan, Batangas niingon nga ang four-time NBA MVP maoy klase sa magduduwa nga gustong ikauban sa usa ka magduduwa ug dili mahimong kontra.

“Kasi ‘di ba ang daming galit sa kanya? Eh magaling naman talaga siya at saka part of the game naman ‘yun,” matod ni Valdez.

Hinuon gipasabot ni Valdez nga dili siya makahatag og panagna kon kinsa ang mokampiyon sa NBA, ang Cavaliers o ang Warriors.

“Hindi natin masasabi kasi magaling din `yung kabila,” pasabot ni Valdez. “Basta, Go Cavs! Go Lebron!”