DAGHANG mga kilay ang ningsaka dihang nag-post si Philippine Basketball Association (PBA) superstar James Yap sa Twitter ug Instagram og hulagway sa iyang kau­galingon kauban ang lu­hong sakyanan nga KIA K9.

Aduna kini caption nga ‘Thank you Kia Philippines for my new Kia K9.’

Alang sa mga sumo­sunod sa Star Hotshots (kanhi Purefoods), naka­alarma kining maong hulagway sa social media ug gikatahapan nga manugbalhin si Yap sa Kia Carnival.

“Is there a hidden message to this? Is my idol leaving the Hotshots and moving to KIA?” komentaryo pa sa usa ka sumosunod sa Hotshots.

Ang Spin.ph misuta ning maong isyu ngadto mismo ni Yap ug sa mga opisyal sa KIA.

Nakakuha og tubag ang Spin.ph gikan kang Columbia Autocar Corporation president ug KIA team governor Ginia Domingo.

Sa pangutana kon gikuha ba sa KIA si James isip endorser o gipalit lang ni Yap ang sakyanan nga gi-endorso ni NBA superstar LeBron James, si Domingo mitubag, “None of the above. He’s (Yap) just test-driving the K9.”

Mismong si Yap miangkon nga usa lang siya sa mga napiling mosuway pag-drive sa K9 nga gika­takdang ilusad sa KIA sa kantidad nga P5 million.

“Parang luxury ambassador lang. Pero walang commitment outside of the use ng car,” pasabot ni Yap.

Matod ni Yap nga lakip sa mga ningsuway pag-drive sa K9 mao sila si KIA playing caoch Manny Pacquiao ug Talk ‘N Text governor Patrick Gregorio.

“Kasi sabi nga nila, puro sports people daw kasi gusto maging associated sa K9, parang si Lebron. Kaya okay naman,” dugang ni James.

Hasta si Hotshots team governor Rene Pardo mipasabot nga nanaghid si Yap nga mosuway pag-drive sa K9 ug wala’y anga­yang kabalak-an ang ilang mga sumosunod.

“Alam naman namin ‘yan. Hindi mo naman pwedeng sabihin na nililigawan si James ng KIA because of that. Pinamamaneho lang naman sa kanya yung kotse,” pasabot ni Pardo.

“Kami rin naman pwe­de rin namin bigyan ng Star products si (Manny) Pacquiao tapos papa-post namin sa Instagram niya. Remember, Manny is also an endorser of San Miguel Beer and its products.”

Gitataw ni Pardo nga mismong ang management sa Hotshots wala mabalaka sa nga pangulitawhan si Yap sa KIA.