SECTIONS
Thursday, June 20, 2019

Super Suroy: Shrine alang kang Msgr. Camomot

ISIP parte na sa kultura sa Pinoy ug tungod kay sagad pagtuo sa relihiyon anaa sa Simbahang Katoliko hinungdan nga dako kini og impluwensiya sa matag usa.

Gani ang mga simbahan o ang holy place nahimo na usab nga atraksyon.

Sa dakbayan sa Carcar, di lang ang Rotunda, Guadalupe Mainit Spring, Tupas Memorial Services, ug Can-asujan Dam ang gibisita karon sa mga dayo.

Tungod kay sa Barangay Valla­do­lid diin anaa mahimutang ang lubnganan ni kanhi Arsobispo Teofilo Camomot.

Kon usa ka, ka Katoliko makabantay seguro ka nga matag misa gilakip sa pag-ampo ang beatification ni Camomot hinungdan nga karon dag­han ang nibisita sa shrine aron mohalad sa tagsa-tagsa ka mga pag-ampo.

Lima ka tuig ang nakalabay dihang gi­­tu­kod sa mga madre ang Daughters of St. Therese (DST) Mother House sa Valla­dolid padayon karon ang mga pagpalambo sa lugar.

Ning buwana atol sa kasumaran sa adlawng natawhan ni Camomot, gi-blessingan ang bag-o lang nahuman nga shrine/basilica tungod kay matod pa ni Rev. Mother Maria Louella Grace Buscato kinsa nangulo sa DST nga di na mainsakto ang mga tawo nga manimba ug mobisita sa ilang kasamtangan nga kapilya.

Sapagkakaron, adunay gilapdon nga duha ka ektarya ang dapit diin daghan pa nga mga kalambuan ang plano sa mga nagdumala niini.

Kinsa si Camomot?

Natawo niadtong Marso 3, 1914 sa Cogon. Ikatulo sa walo ka mga anak ni Luis Camomot ug Angela Bastida.

Nahimong pari niadtong Disyembre 15, 1940 ug nahimong parish priest sa Sta. Teresa Parish sa Talisay City.

Marso 26, 1955 ginganlan siya isip Titular bishop of Clisma ug auxiliary bishop sa Jaro, Iloilo.

Tuig 1959 nahimo siyang co-adjutor sa Archbishop sa Cagayan de Oro ug kura paroko sa Sta. Rita Balingasag sa Misamis Oriental.

Siya ang founder sa Carmelite Tertiaries of the Blessed Eucharist, nga DST na karon.

Unsaon pag-adto?

Kon naggikan ka sa dakbayan sa Sugbo mamahimo kang mosakay sa Cebu South Bus Terminal pai­ngon sa dakbayan sa Carcar.

Sa 40 kilometros ang gilay-on o 45 minutos nga biyahe, apan kon aduna kamoy pribado nga sakyanan mas dali kini ninyo nga maabot.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph