SI SENADOR Manny Pacquiao, kinsa miduwa sa iyang Pacquaio Warriors team atol sa 80th Araw ng Dabaw Commercial Invitational Basketball Tournament sa Davao City Recreation Center (DCRC) niadtong milabay nga semana, miingon nga ang nagapadayon nga away tali sa Philippine Sports Commission (PSC) ug Philippine Olympic Committee (POC) masulbad na.
Kini ang pahayag ni Pacquiao sa pakighinabi sa SunStar Davao human mapildi ang iyang team sa The Royal Mandaya Hotel-De La Salle University Green Archers.
“Dapat ma-resolve na yan dahil maaapektuhan ang mga atleta natin.”
Ang eight-division world boxing champion miingon sab nga andam siya motabang sa pagsulbad sa mga isyu alang sa duha ka dagkong ahensiya sa nasud.
"Gawin natin ang makakaya natin na makatulong sa kanila sa problema na ito, nang maresolve yan at maging progresibo ang sports natin sa Pilipinas," dugang ni Pacquiao.
Nagsugod ang isyu sa PSC-POC dihang ang POC president nga si Jose "Peping" Cojuangco mipahayag nga si PSC commissioner Ramon Fernandez, four-time most valuable player, nalambigit sa game-fixing samtang nagduwa alang sa Toyota apan si Fernandez mibalos sab pinaagi sa pagpangayo og tubag sa POC's sa mga wala narekord nga pinansiyal assistance gikan sa PSC.
Una niini, plano ni Fernandez nga mopasaka og kaso kang Cojuangco nga libel samtang ang PSC Board sa pagpangulo ni chairman William "Butch" Ramirez miingon nga mosuporta sa commissioner gikan sa siyudad Cebu. (MLSA)