ANG moasdang sa Palarong Pambansa nga si Alfredo Plaza gikan sa Leon Garcia National High School (LGNHS) miangkon sa titulo sa boys 47 kilogram gold medal sa 80th Araw ng Dabaw Sports Festival Wrestling Tournament nga gihimo sa Felcris Centrale.
Si Plaza, nga gikan pa sa kadaugan niya sa Davao Regional Athletic Association Meet sa Mati City, mipildi ni Janry Pamor sa championship game alang sa event nga gipresenta sa Sports Development Division-City Mayors Office kaabag ang wrestling Regional director Paolo Tancontian ug Department of Education-Davao Division.
Si Pamor, miangkon sa plata nga medalya, samtang si Shiro Sekikaw gikan sa Team Dumog sa Tagum City ug Rupher Trajico sa Bayawan Wrestling Club miangkon sa bronse nga medalya.
Ang Team Dumog, midomina sa wrestle mania nga miangkon sa 10 ka gold medals gikan nila John Carl Francisco (boys 42kg), Elmer Edano (boys 53 kg), Justin Balo (boys 57kg), Kieth Castillano (boys 62kg), Kirby Jamil (boys 70kg), Mariel Batal (girls 34kg), Jerrybebs Pagatpat (girls 40kg), Viene Sophia Hyunnh (girls 44kg), Rowena Luardo (girls 52kg) ug Jiah Pingot (girls 57kg).
Ang ubang kampeyon mao sila Jonathan Aguilon sa Davao Occidental (boys 32kg), Charles Stephen Yap sa Colegio de San Ignacio (boys 38kg), Reydentor Nacionales sa Team I.Flex (74kg), Andre Faith Diao sa Kapitan Tomas Monteverde Senior Central Elementary School (girls 28kg) ug Shena Lamson sa LGNHS (girls 48kg). (ABM)