GIPADAYAG ni world middleweight champion Miguel Cotto nga nakatabang og dako ang bantugang trainer nga si Freddie Roach sa sunodsunod niyang impresibong kadaugan lakip na niini ang 4th round stoppage batok kang Daniel Geale ning bag-uhay lang.
Gikan sa iyang pagkuha kang Roach niadtong 2013, si Cotto nakamugna og tulo ka sunodsunod nga kadaugan, pulos pinaagi sa knockout.
Iyang gi-knockout si Delvin Rodriguez sa 3rd round niadtong Oktubre, 2013 dayon iyang gidominar si Sergio Martinez aron ilugon ang kasamtangan niyang bakus niadtong Hunyo sa miaging tuig.
Sa premiro niyang pagdepensa, gi-knockout niya si Cotto Geale aron isaka ang iyang rekord sa 40-4, 33KOs.
“Freddie is the mastermind behind everything I did for the last two years,” matod ni Cotto sa interbyu sa www.boxingscene.com. “He’s the best thing I ever could have in my career.”
Sa wala pa siya gigiyahan ni Roach, si Cotto gikan sa duha ka sunodsunod nga kapildihan batok nila ni Floyd Mayweather Jr. ug Austin Trout.
Gipasabot ni Roach nga nawad-an na unta siya og pagsalig sa kaugalingon apan nibalik ang iyang pagsalig sa pag-abot ni Roach.
“He brings the old Miguel back, and he’s the reason Miguel is here right now,” dugang ni Cotto.
Sa kasamtangan, tinguha ni Cotto nga ikaharong si Mexican Saul “Canelo” Alvarez.
Masaligon si Roach nga lupigon ni Cotto si Alvarez.
“I do like that fight. It’s a great fight for boxing, and it’s a great fight for the world,” asoy ni Roach. “It’s two really good fighters going at it, and that’s what we want to see.”