Holy Cross Crusaders target makuha ang ika-tulong daug

GITINGUHA sa Holy Cross of Davao College (HCDC) Crusaders nga makuha ang ika-tulong daug batok University of Mindanao (UM) aron magpabilin nga way mansa ang ilang kartada sa nagapadayong 80th Araw ng Dabaw Sports Festival Inter-Collegiate Basketball Tournament sa Abril 11 sa Davao City Recreation Center.

Ang Crusaders nga nakabulawan sa BIMP-EAGA Friendship Games sa Samarinda, East Lamantan sa Indonesia, nagsugod ang kampanya pinaagi sa pagpalukapa sa Philippine Womens College (PWC) 86-54, ug Holy Cross College of Sasa (HCCS), 107-74, aron molambo ang 2-0 card.

Apan matud ni HCDC head coach Isaias "Ice" Gravador, kinahanglan nila mo-adjust sa ilang depensa kung gusto nila modaug sa UM nga dunay sab limpyong rekord, 1-0 standing.

"Based on our past two games, we still need to work more on our defensive side," ni Gravador.

Dugang ni Gravador nga taas pa ang proseso sa pagpadulong sa finals tungod kinahanglan nila og tulo ka daug aron abante sa semi-finals.

"Our main objective is to place on the top two spots to acquire the twice-to-beat advantage. A record of 5-0 or 4-1 in the eliminations will do," niya pa.

Sa parehong adlaw, ang Jose Maria College makaatbang ang Agro Industrial Foundation College, alas 10:30 sa buntag dayon sundan tali HCCS ug St. John Paul College of Davao, 12:30 p.m., ug Rizal Memorial Colleges versus Ateneo de Davao University, 2:00 p.m.

Ang torneyo gipresenta sa Sports Development Division-City Mayors Office ug gitugutan sa Samahang Basketbol ng Pilipinas. (ABM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph