Lola gituohang gilugos una gitipi

LOLA gidudahan nga gilugos sa wa pa patya sulod sa iyang balay sa sityo Kabangkalan Uno, Barangay Bulacao, dakbayan sa Sugbo.

Nagduda ang kapulisan nga gilugos ang biktimang giilang si Cristita Limbaga, 65, Avon dealer, kay napalgan nga nawalis kutob sa hawak ang daster nga gisul-ob ug ang iyang under wear nalukot nga gibutang kilid sa iyang lawas.

Sa pasiuna nga imbestigasyon nila ni SPO2 Rommel Bangcog ug mga kauban sa Homicide Section sa Cebu City Police Office nagbutyag nga nadunggan sa mga si­li­ngan pasado alas 11 sa gabii niadtong Martes ang singgit sa biktima nga nangayo og pakitabang.

Tungod sa kahadlok, way mga silingan nga niduol.

Pasado alas 12 sa tungang gabii na dihang sila si Elma Remesia ug mga silingan ningsusi sa balay ni Limbaga.

Ilang gisangpit si Limbaga, apan wa na magtingog hangtod nga gipugos sa pag-abli ang pultahan sa balay.

Didto na makita ang biktima nga diha kilid sa iyang katre nagligdas sa yuta nga silbing sawog.

Ang ulo sa biktima nga nagkadugo nabad-ay sa dakung bato nga nagkadugo kilid sa katre sa biktima.

“Ang biktima nagluko nga nagtakilid ubos sa iyang katre. Hubo na ang daster kutob sa hawak. Makita ang iyang kinatawo nga wa nay panty, gibilin diha sa iyang kilid,” dugang ni Bangcog.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph