NAPANGLANTAWAN ang kahuot sa dagan sa trapiko sa siyudad ugma sa hapon tungod sa ka­sau­logan sa Independence Day.

Usa ka dakong parade ang gikatakda nga himuon ugma.

Kini pagasalmotan sa gibana-bana nga 10,000 ka mga tawo nga naa sa kagamhanan ug pribadong sektor.

Ubay-ubay nga mga sakyanan sa military ka­pulisan ug sa kagamha­nan sa Siyudad ang mo­apil sa parade.

Ang parade magsugod alas 4 sa hapon apan sugdan sa pag-sirado ang pipila ka mga dalan sa siyudad nga apiktado sa parade alas 2 sa hapon.

Sirhan ang mga dalan Escario paingon sa Provincial Capitol, liko paingon sa Fuente Osmeña, subay sa Osmeña boulevard ngad­to sa dan Colon.

Ang parade mopaingon sa Basilica del Santo Niño ug moliko sa dan MC Briones hangtod sa Plaza Independencia.

Mga dan nga sirhan naglakip sa Escario, Fuente Osmeña, B. Rodriguez, Osmeña Boulevard, dalan Colon, MC Briones hangtod sa MJ Cuenco.

Gipasalig sa City Traffic Operations and Ma­nagement (CITOM) nga ablihan dayon nila ang maong mga dalan kon makaagi na ang tanang delegasyon.