MALAMPUSONG nasikop sa kapolisan ang usa ka wanted person pinaagi sa warrant of arrest niadtong Martes sa Patag ning siyudad sa Cagayan de Oro.

Naila ang suspetsado nga si Jordan Vallar, 22, ulitawo ug lumulupyo sa Zone 3, Patag.

Subay sa report nga nagpahigayon og operasyon ang kapolisan sa Station commander sa Police Station 4 sa Carmen hinungdan sa pagkasikop sa suspetsado.

Nasikop si Vallar pinaagi sa warrant of arrest nga giisyu ni Hon. Cesar Merlas, presiding judge sa Municipal Trial Court-Branch 1, ning siyudad.

Nasayran nga adunay kaso sa pagpangawat ang maong suspetsado nga adunay temporaryong piyansa nga P10 mil.(KCS)