ANG opisyal sa Police Regional Office (PRO Davao Region) nagsulti nga ang opisyales sa kapulisan sa Tagum City Police Station mag-atubang og kasong administratibo ug kriminal human upat ka mga piniriso ang mi-eskapo niadtong Martes sa buntag.

Si PRO Davao Region spokesperson Police Superintendent Antonio Rivera misulti nga ang mga opisyales kinsa posibleng mag-atubang og kaso mao si TCPO commander Superintendent Solomon de Castilla ug uban pang opisyal kinsa 'on duty' niadtong oras sa pag-ikyas sa mga priso tungod sa pagpasagad nila sa ilang trabaho.

"We are still conducting follow-up operations in order to recapture all escapees. Other personnel as well will be subjected for investigation at depende sa resulta ng investigations yung level ng sanctions na ipapataw natin," sulti ni Rivera atol sa iyang pagbisita sa AFP-PNP press conference sa Task Force Davao Headquarters kagahapon sa buntag.

Si Senior Superintendent Samuel Gadingan, director sa Davao del Norte Provincial Police Office (DNPPO), sa laing pakighinabi, misulti nga ilang giporma karon ang team nga mag-imbestiga ug mogukod sa mga mi-eskapo.

"Nag-create na kami ng investigation teams na mag-recapture sa kanila. At nilo-locate pa namin yung possible locations ng apat na pugante," sulti ni Gadingan.

"I think they have already left Tagum. We are also eyeing the hometown provinces of the escapees. We have already warned their families and their friends not to hide the suspects. We told them that we can file cases against them if they help them," sulti ni Gadingan sa Sun.Star Davao sa pakighinabi sa telepono.

Si Gadingan mikumpirma nga ang mga pulis nga 'on duty' niadtong orasa nangatulog.

Si Gadingan, misulti sab nga magpagawas sila og silot sa mga opisyales sa kapulisan nga naikyasan sa mga priso depende sa resulta sa imbestigasyon.

"Possible na ang sanctions include suspensions, demotion of rank or removal from service," pahayag ni Gadingan.

Ang upat ka mga mi-eskapo, nalambigit sa kasong robbery, illegal possession of firearms and ammunitions, mao sila John Gudin, Jasper Salas, John Dela Peña, ug Rolby Sueto.

Sila nakaikyas human gigabas ang rehas sa selda samtang mibunok ang kusog nga uwan, Martes sa kaadlawon, dayon miagi sa dakong pultahan sa istasyon sa kapulisan.(KRP)