USA ka 45-anyos nga lalaki ang gidemanda sa Regional Trial Court tungod sa paglugos niya sa 6-anyos nga anak na babaye niadtong Mayo 17.

Nag-atubang og kasong paglapas sa Republic Act 8353 o Anti-Rape Law of 1997 si alyas John (tinuod nga pangalan gitago).

Si Prosecutor Carlos Castanos Jr. nakakita og igong hinungdan nga idemanda si John base sa reklamo nga giduso sa iyang anak nga si Kate, uban sa iyang asawa nga si Amy, ug testimonya sa saksi kinsa nakadungog sa insidente.

Sa iyang affidavit, si Kate nagsulti nga natulog siya sa gabii dihang nahitabo ang insidente dihang iyang amahan mipukaw niya ug nagsulti nga mopalit siya og pagkaon.

Siya nagsulti nga iyang inahan wala niadtong orasa ug iyang amahan mapugsanon nga mipasud sa iyang kinatawo sa baba sa bata, gitanggal ang sapot dayon gipasud ang iyang buhi ngadto sa kinatawo sa biktima.

Si John human sa insidente mihatag niya og soft drinks ug biscuit nga gipalit.

Si Kate nagsulti nga kini na ang ikaduhang higayon nga iyang amahan naghimo sa ingon apan nalimot na siya kung kanus-a kadto nahitabo.

Midugang ang biktima nga wa niya gisultihan ang inahan tungod kay gihulga siya sa amahan nga pasakitan ang iyang inahan kung himuon kini.

Apan, gisultihan sa biktima ang iyang inahan kinsa misumbong dayon sa barangay tanod kinsa midala nila sa Southern Philippines Medical Center aron ipahiling ang biktima dayon miadto sa Sta. Ana Police Station Women and Children Protection Section.

Base sa pahayag sa saksi, nga niadtong gabhiona nadungog niya nga ang suspek nagmando ngadto sa biktima nga bukahon ang iyang baba.

Ang suspek gitinir na sa Sta Ana Police Station.