MAGPAHIGAYON og libreng summer sports clinic ang Centrio Mall sugod karong Martes, Abril 18, didto sa activity center, ground floor sa maong nga establisamento.
Dili mominus sa tulo ka sports ang nakalaray nga mao ang muay thai, rugby ug karatedo.
Mag-una ang muay thai nga ipahigayon matag Martes sugod karong Abril 18 sa alas 3 paingon sa alas 5 sa hapon.
Mismo si Ely Fernandez, ang Philippine National Muay champion, ang usa sa mangunay og tudlo duyog sa iyang mga kauban sa Mindanao Ultimate Mixed Martial Arts (Mumma).
“Giimbitar namo ang tanan sa unsa man nga edad labina mga kabatan-onan ug bata nga moapil,” ingon ni Beh Barothy Hung, kinsa ang tag-iya sa Mumma.
Ang rugby, diin dumalaon sa Cagayan de Oro Rugby Club, mapahigayon matag Miyerkules sugod ugma sa susamang mga oras.
Matag Huwebes sab ang karatedo nga pangulohan sa SRX Fitness Studio sa mao gihapong mga oras.
Gawas sa mga sports clinic, matag Lunes sab ang libreng dance class nga gisugdan niadtong Lunes.
Naa sab cooking class matag Biyernes nga ipahigayon sa bangiitang mga chef sa Monster Kitchen.
Ang mga libreng klase mahuman karong Mayo 12.