NIPAHIGAYON ang Smart Communications, Inc. (Smart) og roadshow ning Hunyo sa mga engineering ug IT schools sa tibuok nasod sa pagpalambo sa kultura sa inobasyon sa mga batan-on.

Ang kalihokan giorganisar isip kabahin sa Smart Wireless Engineering Education Program (SWEEP), labing dako nga industry-academe linkage program nga nangita sa pagpalambo sa engineering ug IT education sa nasod.

“Smart has built a reputation for innovation, having introduced world-first wireless services that made affordable mobile communications services accessible to more Filipinos...” matod ni Ramon R. Isberto, pangulo sa Public Affairs sa Smart.

Unom ka mga tunghaan ang unahon sa roadshow gikan sa Hunyo ngadto sa Agusto: Adamson University sa Manila; Mariano Marcos State University sa Batac City, Ilocos Norte; University of San Jose Recoletos sa Cebu City; University of Southeastern Philippines, Davao City; Angeles University Foundation saAngeles City, Pampanga; ug University of Santo Tomas sa Manila. (PR)